donon jahan teri mohabbat men haar ke
vo ja raha hai koi shab-e-gham guzar ke
viran hai mai-kada khum-o-saghar udaas hain
tum kya ga.e ki ruuTh ga.e din bahar ke
ik fursat-e-gunāh mili vo bhi chaar din
dekhe hain ham ne hausle parvardigar ke
duniya ne teri yaad se begana kar diya
tujh se bhi dil-fareb hain gham rozgar ke
bhule se muskura to diye the vo aaj ‘faiz’
mat puchh valvale dil-e-na-karda-kar ke
دونوں جہان تیری محبت میں ہار کے
وہ جا رہا ہے کوئی شب غم گزار کے
ویراں ہے مے کدہ خم و ساغر اداس ہیں
تم کیا گئے کہ روٹھ گئے دن بہار کے
اک فرصت گناہ ملی وہ بھی چار دن
دیکھے ہیں ہم نے حوصلے پروردگار کے
دنیا نے تیری یاد سے بیگانہ کر دیا
تجھ سے بھی دل فریب ہیں غم روزگار کے
بھولے سے مسکرا تو دیے تھے وہ آج فیضؔ
مت پوچھ ولولے دل ناکردہ کار کے
FAIZ AHMAD FAIZ
