Zakhm ka andamaal hote hue
Maine dekha kamaal hote hue
Hijr ki dhoop kyuN nahi dhalti
Jashn-e-shaam-e-visaal hote hue
De gayi mustaqil khalish dil ko
Aarzoo paayemaal hote hue
Log jeete hain, jeena chahte hain
Zindagaani wabaal hote hue
Kis Qadar ikhtelaaf karta hai
Woh mera hum khayal hote hue
Pay-e ilzaam aa rukiN mujh par
Saari aankhein sawaal hote hue
Aaj bhi log ishq karte haiN
Saamnay ki misaal hote hue
Khud se haNs kar na mil sake Ahmed
Khush suKhan, khush Khisaal hote hue
زخم کا اندِمال ہوتے ہوئے
میں نے دیکھا کمال ہوتے ہوئے
ہجر کی دھوپ کیوں نہیں ڈھلتی
جشنِ شامِ وصال ہوتے ہوئے
دے گئی مستقل خلش دل کو
آرزو پائمال ہوتے ہوئے
لوگ جیتے ہیں جینا چاہتے ہیں
زندگانی وبال ہوتے ہوئے
کس قدر اختلاف کرتا ہے
وہ مرا ہم خیال ہوتے ہوئے
پئے الزام آ رُکیں مجھ پر
ساری آنکھیں سوال ہوتے ہوئے
آج بھی لوگ عشق کرتے ہیں
سامنے کی مثال ہوتے ہوئے
خود سے ہنس کر نہ مل سکے احمدؔ
خوش سخن، خوش خصال ہوتے ہوئے
MUHAMMAD AHMED
