divaron se mil kar rona achchha lagta hai
ham bhi pagal ho ja.enge aisa lagta hai
kitne dinon ke pyase honge yaaro socho to
shabnam ka qatra bhi jin ko dariya lagta hai
ankhon ko bhi le Duuba ye dil ka pagal-pan
aate jaate jo milta hai tum sa lagta hai
is basti men kaun hamare aansu ponchhega
jo milta hai us ka daman bhiga lagta hai
duniya bhar ki yaden ham se milne aati hain
shaam Dhale is suune ghar men mela lagta hai
kis ko patthar marun ‘qaisar’ kaun paraya hai
shish-mahal men ik ik chehra apna lagta hai
دیواروں سے مل کر رونا اچھا لگتا ہے
ہم بھی پاگل ہو جائیں گے ایسا لگتا ہے
کتنے دنوں کے پیاسے ہوں گے یارو سوچو تو
شبنم کا قطرہ بھی جن کو دریا لگتا ہے
آنکھوں کو بھی لے ڈوبا یہ دل کا پاگل پن
آتے جاتے جو ملتا ہے تم سا لگتا ہے
اس بستی میں کون ہمارے آنسو پونچھے گا
جو ملتا ہے اس کا دامن بھیگا لگتا ہے
دنیا بھر کی یادیں ہم سے ملنے آتی ہیں
شام ڈھلے اس سونے گھر میں میلہ لگتا ہے
کس کو پتھر ماروں قیصرؔ کون پرایا ہے
شیش محل میں اک اک چہرا اپنا لگتا ہے
दीवारों से मिल कर रोना अच्छा लगता है
हम भी पागल हो जाएँगे ऐसा लगता है
कितने दिनों के प्यासे होंगे यारो सोचो तो
शबनम का क़तरा भी जिन को दरिया लगता है
आँखों को भी ले डूबा ये दिल का पागल-पन
आते जाते जो मिलता है तुम सा लगता है
इस बस्ती में कौन हमारे आँसू पोंछेगा
जो मिलता है उस का दामन भीगा लगता है
दुनिया भर की यादें हम से मिलने आती हैं
शाम ढले इस सूने घर में मेला लगता है
किस को पत्थर मारूँ ‘क़ैसर’ कौन पराया है
शीश-महल में इक इक चेहरा अपना लगता है
QAISARUL JAFRI
