juz tere koi bhi din raat na jaane mere
tu kahan hai magar ai dost purane mere
tu bhi khushbu hai magar mera tajassus bekar
barg-e-avara ki manind Thikane mere
sham.a ki lau thi ki vo tu tha magar hijr ki raat
der tak rota raha koi sirhane mere
khalq ki be-khabari hai ki miri rusva.i
log mujh ko hi sunate hain fasane mere
luT ke bhi khush huun ki ashkon se bhara hai daman
dekh gharat-gar-e-dil ye bhi khazane mere
aaj ik aur baras biit gaya us ke baghair
jis ke hote hue hote the zamane mere
kaash tu bhi meri avaz kahin sunta ho
phir pukara hai tujhe dil ki sada ne mere
kaash tu bhi kabhi aa jaa.e masiha.i ko
log aate hain bahut dil ko dukhane mere
kaash auron ki tarah main bhi kabhi kah sakta
baat sun li hai miri aaj khuda ne mere
tu hai kis haal men ai zud-faramosh mire
mujh ko to chhin liya ahd-e-vafa ne mere
charagar yuun to bahut hain magar ai jan-e-‘faraz’
juz tire aur koi zakhm na jaane mere
جز ترے کوئی بھی دن رات نہ جانے میرے
تو کہاں ہے مگر اے دوست پرانے میرے
تو بھی خوشبو ہے مگر میرا تجسس بے کار
برگ آوارہ کی مانند ٹھکانے میرے
شمع کی لو تھی کہ وہ تو تھا مگر ہجر کی رات
دیر تک روتا رہا کوئی سرہانے میرے
خلق کی بے خبری ہے کہ مری رسوائی
لوگ مجھ کو ہی سناتے ہیں فسانے میرے
لٹ کے بھی خوش ہوں کہ اشکوں سے بھرا ہے دامن
دیکھ غارت گر دل یہ بھی خزانے میرے
آج اک اور برس بیت گیا اس کے بغیر
جس کے ہوتے ہوئے ہوتے تھے زمانے میرے
کاش تو بھی میری آواز کہیں سنتا ہو
پھر پکارا ہے تجھے دل کی صدا نے میرے
کاش تو بھی کبھی آ جائے مسیحائی کو
لوگ آتے ہیں بہت دل کو دکھانے میرے
کاش اوروں کی طرح میں بھی کبھی کہہ سکتا
بات سن لی ہے مری آج خدا نے میرے
تو ہے کس حال میں اے زود فراموش مرے
مجھ کو تو چھین لیا عہد وفا نے میرے
چارہ گر یوں تو بہت ہیں مگر اے جان فرازؔ
جز ترے اور کوئی زخم نہ جانے میرے
जुज़ तिरे कोई भी दिन रात न जाने मेरे
तू कहाँ है मगर ऐ दोस्त पुराने मेरे
तू भी ख़ुशबू है मगर मेरा तजस्सुस बेकार
बर्ग-ए-आवारा की मानिंद ठिकाने मेरे
शम्अ की लौ थी कि वो तू था मगर हिज्र की रात
देर तक रोता रहा कोई सिरहाने मेरे
ख़ल्क़ की बे-ख़बरी है कि मिरी रुस्वाई
लोग मुझ को ही सुनाते हैं फ़साने मेरे
लुट के भी ख़ुश हूँ कि अश्कों से भरा है दामन
देख ग़ारत-गर-ए-दिल ये भी ख़ज़ाने मेरे
आज इक और बरस बीत गया उस के बग़ैर
जिस के होते हुए होते थे ज़माने मेरे
काश तू भी मेरी आवाज़ कहीं सुनता हो
फिर पुकारा है तुझे दिल की सदा ने मेरे
काश तू भी कभी आ जाए मसीहाई को
लोग आते हैं बहुत दिल को दुखाने मेरे
काश औरों की तरह मैं भी कभी कह सकता
बात सुन ली है मिरी आज ख़ुदा ने मेरे
तू है किस हाल में ऐ ज़ूद-फ़रामोश मिरे
मुझ को तो छीन लिया अहद-ए-वफ़ा ने मेरे
चारागर यूँ तो बहुत हैं मगर ऐ जान-ए-‘फ़राज़’
जुज़ तिरे और कोई ज़ख़्म न जाने मेरे
AHMAD FARAZ
