dil dhadakne ka sabab yaad aaya
vo tiri yaad thi ab yaad aaya
aaj mushkil tha sambhalna ai dost
tu musibat men ajab yaad aaya
din guzārā thā baḌī mushkil se
phir tira va.ada-e-shab yaad aaya
tera bhula hua paiman-e-vafa
mar rahenge agar ab yaad aaya
phir ka.i log nazar se guzre
phir koi shahr-e-tarab yaad aaya
hal-e-dil ham bhi sunate lekin
jab vo rukhsat hua tab yaad aaya
baiTh kar saya-e-gul men ‘nasir’
ham bahut ro.e vo jab yaad aaya
دل دھڑکنے کا سبب یاد آیا
وہ تری یاد تھی اب یاد آیا
آج مشکل تھا سنبھلنا اے دوست
تو مصیبت میں عجب یاد آیا
دن گزارا تھا بڑی مشکل سے
پھر ترا وعدۂ شب یاد آیا
تیرا بھولا ہوا پیمان وفا
مر رہیں گے اگر اب یاد آیا
پھر کئی لوگ نظر سے گزرے
پھر کوئی شہر طرب یاد آیا
حال دل ہم بھی سناتے لیکن
جب وہ رخصت ہوا تب یاد آیا
بیٹھ کر سایۂ گل میں ناصرؔ
ہم بہت روئے وہ جب یاد آیا
NASIR KAZMI
