kuchh to hawa bhi sard thi kuchh tha tera khayal bhi
dil ko khushi ke saath saath hota raha malal bhi
baat vo aadhi raat ki raat vo puure chand ki
chand bhi ain chait ka us pe tira jamal bhi
sab se nazar bacha ke vo mujh ko kuchh aise dekhta
ek dafa to ruk ga.i gardish-e-mah-o-sal bhi
dil to chamak sakega kya phir bhi tarash ke dekh len
shisha-giran-e-shahr ke haath ka ye kamal bhi
us ko na pa sake the jab dil ka ajiib haal tha
ab jo palaT ke dekhiye baat thi kuchh muhal bhi
meri talab tha ek shakhs vo jo nahin mila to phir
haath dua se yuun gira bhuul gaya saval bhi
us ki sukhan-taraziyan mere liye bhi Dhaal thiin
us ki hansi men chhup gaya apne ghamon ka haal bhi
gaah qarib-e-shah-rag gaah ba.id-e-vahm-o-khvab
us ki rafaqaton men raat hijr bhi tha visal bhi
us ke hi bazuon men aur us ko hi sochte rahe
jism ki khvahishon pe the ruuh ke aur jaal bhi
shaam ki na-samajh hava puchh rahi hai ik pata
mauj-e-hava-e-ku-e-yar kuchh to mira khayal bhi
کچھ تو ہوا بھی سرد تھی کچھ تھا ترا خیال بھی
دل کو خوشی کے ساتھ ساتھ ہوتا رہا ملال بھی
بات وہ آدھی رات کی رات وہ پورے چاند کی
چاند بھی عین چیت کا اس پہ ترا جمال بھی
سب سے نظر بچا کے وہ مجھ کو کچھ ایسے دیکھتا
ایک دفعہ تو رک گئی گردش ماہ و سال بھی
دل تو چمک سکے گا کیا پھر بھی تراش کے دیکھ لیں
شیشہ گران شہر کے ہاتھ کا یہ کمال بھی
اس کو نہ پا سکے تھے جب دل کا عجیب حال تھا
اب جو پلٹ کے دیکھیے بات تھی کچھ محال بھی
میری طلب تھا ایک شخص وہ جو نہیں ملا تو پھر
ہاتھ دعا سے یوں گرا بھول گیا سوال بھی
اس کی سخن طرازیاں میرے لیے بھی ڈھال تھیں
اس کی ہنسی میں چھپ گیا اپنے غموں کا حال بھی
گاہ قریب شاہ رگ گاہ بعید وہم و خواب
اس کی رفاقتوں میں رات ہجر بھی تھا وصال بھی
اس کے ہی بازوؤں میں اور اس کو ہی سوچتے رہے
جسم کی خواہشوں پہ تھے روح کے اور جال بھی
شام کی نا سمجھ ہوا پوچھ رہی ہے اک پتا
موج ہوائے کوئے یار کچھ تو مرا خیال بھی
कुछ तो हवा भी सर्द थी कुछ था तिरा ख़याल भी
दिल को ख़ुशी के साथ साथ होता रहा मलाल भी
बात वो आधी रात की रात वो पूरे चाँद की
चाँद भी ऐन चैत का उस पे तिरा जमाल भी
सब से नज़र बचा के वो मुझ को कुछ ऐसे देखता
एक दफ़ा तो रुक गई गर्दिश-ए-माह-ओ-साल भी
दिल तो चमक सकेगा क्या फिर भी तराश के देख लें
शीशा-गिरान-ए-शहर के हाथ का ये कमाल भी
उस को न पा सके थे जब दिल का अजीब हाल था
अब जो पलट के देखिए बात थी कुछ मुहाल भी
मेरी तलब था एक शख़्स वो जो नहीं मिला तो फिर
हाथ दुआ से यूँ गिरा भूल गया सवाल भी
उस की सुख़न-तराज़ियाँ मेरे लिए भी ढाल थीं
उस की हँसी में छुप गया अपने ग़मों का हाल भी
गाह क़रीब-ए-शाह-रग गाह बईद-ए-वहम-ओ-ख़्वाब
उस की रफ़ाक़तों में रात हिज्र भी था विसाल भी
उस के ही बाज़ुओं में और उस को ही सोचते रहे
जिस्म की ख़्वाहिशों पे थे रूह के और जाल भी
शाम की ना-समझ हवा पूछ रही है इक पता
मौज-ए-हवा-ए-कू-ए-यार कुछ तो मिरा ख़याल भी
PARVEEN SHAKIR
