ash.ar mire yuun to zamane ke liye hain
kuchh sher faqat un ko sunane ke liye hain
ab ye bhi nahīñ Thiik ki har dard miTa den
kuchh dard kaleje se lagane ke liye hain
socho to baDi chiiz hai tahzib badan ki
varna ye faqat aag bujhane ke liye hain
ankhon men jo bhar loge to kanTon se chubhenge
ye ḳhvab to palkon pe sajane ke liye hain
dekhun tire hathon ko to lagta hai tire haath
mandir men faqat diip jalane ke liye hain
ye ilm ka sauda ye risale ye kitaben
ik shakhs ki yadon ko bhulane ke liye hain
اشعار مرے یوں تو زمانے کے لیے ہیں
کچھ شعر فقط ان کو سنانے کے لیے ہیں
اب یہ بھی نہیں ٹھیک کہ ہر درد مٹا دیں
کچھ درد کلیجے سے لگانے کے لیے ہیں
سوچو تو بڑی چیز ہے تہذیب بدن کی
ورنہ یہ فقط آگ بجھانے کے لیے ہیں
آنکھوں میں جو بھر لو گے تو کانٹوں سے چبھیں گے
یہ خواب تو پلکوں پہ سجانے کے لیے ہیں
دیکھوں ترے ہاتھوں کو تو لگتا ہے ترے ہاتھ
مندر میں فقط دیپ جلانے کے لیے ہیں
یہ علم کا سودا یہ رسالے یہ کتابیں
اک شخص کی یادوں کو بھلانے کے لیے ہیں
JAAN NISAR AKHTAR
