Zikr us pari-wash ka aur phir bayaN apna
Ban gaya raqib aaKHir thaa jo raazdaaN apna
Mai wo kyuN bahut pite bazm E ghair meN yaarab
Aaj hi hua manzoor, un ko imtihaaN apna
Manzar ik bulandee par aur ham banaa sakte
‘arsh se udhar hotaa kaash K makaaN apna
DeN vo jis qadar zillat hum haNsi meN TaleNge
Baaray aashna nikla unka paasbaaN apna
Dard E dil likhuN kab tak? jaauN unko dikhlaa duN
UNgliyaaN figaar apni KHaamaa KHuN_chakaaN apna
Ghiste-ghiste mit jaata aap ne ‘abas badlaa
Nang E sajdaa se mere sang E aastaaN apna
Ta kare na ghammazee, kar liya hai dushman ko
Dost kii shikaayat meN hum ne hum-zabaaN apna
Ham kahaaN ke daanaa the? kis hunar meN yaktaa the?
Be_sabab huaa ‘Ghalib’ dushman aasmaaN apna
ذکر اس پری وش کا اور پھر بیاں اپنا
بن گیا رقیب آخر تھا جو رازداں اپنا
مے وہ کیوں بہت پیتے بزم غیر میں یا رب
آج ہی ہوا منظور ان کو امتحاں اپنا
منظر اک بلندی پر اور ہم بنا سکتے
عرش سے ادھر ہوتا کاش کے مکاں اپنا
دے وہ جس قدر ذلت ہم ہنسی میں ٹالیں گے
بارے آشنا نکلا ان کا پاسباں اپنا
درد دل لکھوں کب تک جاؤں ان کو دکھلا دوں
انگلیاں فگار اپنی خامہ خونچکاں اپنا
گھستے گھستے مٹ جاتا آپ نے عبث بدلا
ننگ سجدہ سے میرے سنگ آستاں اپنا
تا کرے نہ غمازی کر لیا ہے دشمن کو
دوست کی شکایت میں ہم نے ہم زباں اپنا
ہم کہاں کے دانا تھے کس ہنر میں یکتا تھے
بے سبب ہوا غالبؔ دشمن آسماں اپنا
ज़िक्र उस परी-वश का और फिर बयाँ अपना
बन गया रक़ीब आख़िर था जो राज़-दाँ अपना
मय वो क्यूँ बहुत पीते बज़्म-ए-ग़ैर में या रब
आज ही हुआ मंज़ूर उन को इम्तिहाँ अपना
मंज़र इक बुलंदी पर और हम बना सकते
अर्श से उधर होता काश के मकाँ अपना
दे वो जिस क़दर ज़िल्लत हम हँसी में टालेंगे
बारे आश्ना निकला उन का पासबाँ अपना
दर्द-ए-दिल लिखूँ कब तक जाऊँ उन को दिखला दूँ
उँगलियाँ फ़िगार अपनी ख़ामा ख़ूँ-चकाँ अपना
घिसते घिसते मिट जाता आप ने अबस बदला
नंग-ए-सज्दा से मेरे संग-ए-आस्ताँ अपना
ता करे न ग़म्माज़ी कर लिया है दुश्मन को
दोस्त की शिकायत में हम ने हम-ज़बाँ अपना
हम कहाँ के दाना थे किस हुनर में यकता थे
बे-सबब हुआ ‘ग़ालिब’ दुश्मन आसमाँ अपना
MIRZA GHALIB
