dil tujhe naz hai jis shakhs ki dildari par
dekh ab vo bhi utar aaya adakari par
main ne dushman ko jagaya to bahut tha lekin
ehtijajan nahin jaaga miri bedari par
aadmi aadmi ko khaa.e chala jaata hai
kuchh to tahqiq karo is na.i bimari par
kabhi is jurm pe sar kaaT diye jaate the
ab to in.aam diya jaata hai ghaddari par
teri qurbat ka nasha TuuT raha hai mujh men
is qadar sahl na ho tu miri dushvari par
mujh men yuun taaza mulaqat ke mausam jaage
aa.ina hansne laga hai miri tayyari par
koi dekhe bhare bazar ki virani ko
kuchh na kuchh muft hai har shai ki kharidari par
bas yahi vaqt hai sach munh se nikal jaane do
log utar aa.e hain zalim ki taraf-dari par
دل تجھے ناز ہے جس شخص کی دل داری پر
دیکھ اب وہ بھی اتر آیا اداکاری پر
میں نے دشمن کو جگایا تو بہت تھا لیکن
احتجاجاً نہیں جاگا مری بیداری پر
آدمی آدمی کو کھائے چلا جاتا ہے
کچھ تو تحقیق کرو اس نئی بیماری پر
کبھی اس جرم پہ سر کاٹ دئے جاتے تھے
اب تو انعام دیا جاتا ہے غداری پر
تیری قربت کا نشہ ٹوٹ رہا ہے مجھ میں
اس قدر سہل نہ ہو تو مری دشواری پر
مجھ میں یوں تازہ ملاقات کے موسم جاگے
آئنہ ہنسنے لگا ہے مری تیاری پر
کوئی دیکھے بھرے بازار کی ویرانی کو
کچھ نہ کچھ مفت ہے ہر شے کی خریداری پر
بس یہی وقت ہے سچ منہ سے نکل جانے دو
لوگ اتر آئے ہیں ظالم کی طرف داری پر
दिल तुझे नाज़ है जिस शख़्स की दिलदारी पर
देख अब वो भी उतर आया अदाकारी पर
मैं ने दुश्मन को जगाया तो बहुत था लेकिन
एहतिजाजन नहीं जागा मिरी बेदारी पर
आदमी आदमी को खाए चला जाता है
कुछ तो तहक़ीक़ करो इस नई बीमारी पर
कभी इस जुर्म पे सर काट दिए जाते थे
अब तो इनआ’म दिया जाता है ग़द्दारी पर
तेरी क़ुर्बत का नशा टूट रहा है मुझ में
इस क़दर सहल न हो तू मिरी दुश्वारी पर
मुझ में यूँ ताज़ा मुलाक़ात के मौसम जागे
आइना हँसने लगा है मिरी तय्यारी पर
कोई देखे भरे बाज़ार की वीरानी को
कुछ न कुछ मुफ़्त है हर शय की ख़रीदारी पर
बस यही वक़्त है सच मुँह से निकल जाने दो
लोग उतर आए हैं ज़ालिम की तरफ़-दारी पर
SALEEM KAUSAR
