samne uske kabhi uski sataish nahin ki
dil ne chaha bhi agar honTon ne jumbish nahin ki
ahl-e-mahfil pe kab ahval khula hai apna
main bhi khamosh raha us ne bhi pursish nahin ki
jis qadar us se ta’alluq tha chala jaata hai
us ka kya ranj ho jis ki kabhi khvahish nahin ki
ye bhi kya kam hai ki donon ka bharam qaa.em hai
us ne bakhshish nahin ki ham ne guzarish nahin ki
ik to ham ko adab adab ne pyasa rakkha
us pe mahfil men surahi ne bhi gardish nahin ki
ham ki dukh oDh ke khalvat men paDe rahte hain
ham ne bazar men zakhmon ki numa.ish nahin ki
ai mire abr-e-karam dekh ye virana-e-jan
kya kisi dasht pe tu ne kabhi barish nahin ki
kaT mare apne qabile ki hifazat ke liye
maqtal-e-shahr men Thahre rahe jumbish nahin ki
vo hamen bhuul gaya ho to ajab kya hai ‘faraz’
ham ne bhi mel-mulaqat ki koshish nahin ki
سامنے اس کے کبھی اس کی ستائش نہیں کی
دل نے چاہا بھی اگر ہونٹوں نے جنبش نہیں کی
اہل محفل پہ کب احوال کھلا ہے اپنا
میں بھی خاموش رہا اس نے بھی پرسش نہیں کی
جس قدر اس سے تعلق تھا چلا جاتا ہے
اس کا کیا رنج ہو جس کی کبھی خواہش نہیں کی
یہ بھی کیا کم ہے کہ دونوں کا بھرم قائم ہے
اس نے بخشش نہیں کی ہم نے گزارش نہیں کی
اک تو ہم کو ادب آداب نے پیاسا رکھا
اس پہ محفل میں صراحی نے بھی گردش نہیں کی
ہم کہ دکھ اوڑھ کے خلوت میں پڑے رہتے ہیں
ہم نے بازار میں زخموں کی نمائش نہیں کی
اے مرے ابر کرم دیکھ یہ ویرانۂ جاں
کیا کسی دشت پہ تو نے کبھی بارش نہیں کی
کٹ مرے اپنے قبیلے کی حفاظت کے لیے
مقتل شہر میں ٹھہرے رہے جنبش نہیں کی
وہ ہمیں بھول گیا ہو تو عجب کیا ہے فرازؔ
ہم نے بھی میل ملاقات کی کوشش نہیں کی
सामने उस के कभी उस की सताइश नहीं की
दिल ने चाहा भी अगर होंटों ने जुम्बिश नहीं की
अहल-ए-महफ़िल पे कब अहवाल खुला है अपना
मैं भी ख़ामोश रहा उस ने भी पुर्सिश नहीं की
जिस क़दर उस से त’अल्लुक़ था चला जाता है
उस का क्या रंज हो जिस की कभी ख़्वाहिश नहीं की
ये भी क्या कम है कि दोनों का भरम क़ाएम है
उस ने बख़्शिश नहीं की हम ने गुज़ारिश नहीं की
इक तो हम को अदब आदाब ने प्यासा रक्खा
उस पे महफ़िल में सुराही ने भी गर्दिश नहीं की
हम कि दुख ओढ़ के ख़ल्वत में पड़े रहते हैं
हम ने बाज़ार में ज़ख़्मों की नुमाइश नहीं की
ऐ मिरे अब्र-ए-करम देख ये वीराना-ए-जाँ
क्या किसी दश्त पे तू ने कभी बारिश नहीं की
कट मरे अपने क़बीले की हिफ़ाज़त के लिए
मक़्तल-ए-शहर में ठहरे रहे जुम्बिश नहीं की
वो हमें भूल गया हो तो अजब क्या है ‘फ़राज़’
हम ने भी मेल-मुलाक़ात की कोशिश नहीं की
AHMAD FARAZ
