awwal awwal ki dosti hai abhi
ik ghazal hai ki ho rahi hai abhi
main bhi shahr-e-wafa men nau-varid
wo bhi ruk ruk ke chal rahi hai abhi
main bhi aisa kahan ka zud-shanas
wo bhi lagta hai sochti hai abhi
dil ki varaftagi hai apni jagah
phir bhi kuchh ehtiyat si hai abhi
garche pahla sa ijtinab nahin
phir bhi kam kam supurdagi hai abhi
kaisa mausam hai kuchh nahin khulta
bunda-bandi bhi dhuup bhi hai abhi
khud-kalami men kab ye nashsha tha
jis tarah ru-ba-ru koi hai abhi
qurbaten laakh khub-surat hon
duriyon men bhi dilkashi hai abhi
fasl-e-gul men bahar pahla gulab
kis ki zulfon men Tankti hai abhi
muddaten ho ga.iin ‘faraz’ magar
wo jo divangi ki thi hai abhi
اول اول کی دوستی ہے ابھی
اک غزل ہے کہ ہو رہی ہے ابھی
میں بھی شہر وفا میں نو وارد
وہ بھی رک رک کے چل رہی ہے ابھی
میں بھی ایسا کہاں کا زود شناس
وہ بھی لگتا ہے سوچتی ہے ابھی
دل کی وارفتگی ہے اپنی جگہ
پھر بھی کچھ احتیاط سی ہے ابھی
گرچہ پہلا سا اجتناب نہیں
پھر بھی کم کم سپردگی ہے ابھی
کیسا موسم ہے کچھ نہیں کھلتا
بوندا باندی بھی دھوپ بھی ہے ابھی
خود کلامی میں کب یہ نشہ تھا
جس طرح روبرو کوئی ہے ابھی
قربتیں لاکھ خوبصورت ہوں
دوریوں میں بھی دل کشی ہے ابھی
فصل گل میں بہار پہلا گلاب
کس کی زلفوں میں ٹانکتی ہے ابھی
مدتیں ہو گئیں فرازؔ مگر
وہ جو دیوانگی کہ تھی ہے ابھی
अव्वल अव्वल की दोस्ती है अभी
इक ग़ज़ल है कि हो रही है अभी
मैं भी शहर-ए-वफ़ा में नौ-वारिद
वो भी रुक रुक के चल रही है अभी
मैं भी ऐसा कहाँ का ज़ूद-शनास
वो भी लगता है सोचती है अभी
दिल की वारफ़्तगी है अपनी जगह
फिर भी कुछ एहतियात सी है अभी
गरचे पहला सा इज्तिनाब नहीं
फिर भी कम कम सुपुर्दगी है अभी
कैसा मौसम है कुछ नहीं खुलता
बूँदा-बाँदी भी धूप भी है अभी
ख़ुद-कलामी में कब ये नश्शा था
जिस तरह रू-ब-रू कोई है अभी
क़ुर्बतें लाख ख़ूब-सूरत हों
दूरियों में भी दिलकशी है अभी
फ़स्ल-ए-गुल में बहार पहला गुलाब
किस की ज़ुल्फ़ों में टाँकती है अभी
मुद्दतें हो गईं ‘फ़राज़’ मगर
वो जो दीवानगी कि थी है अभी
AHMAD FARAZ
