koi mila to kisi aur ki kami hui hai
so dil ne be-talabi ikhtiyar ki hui hai
jahan se dil ki taraf zindagi utarti thi
nigah ab bhi usi baam par jami hui hai
hai intizar use bhi tumhari khush-bu ka
hava gali men bahut der se ruki hui hai
tum aa ga.e ho to ab a.ina bhi dekhenge
abhi abhi to nigahon men raushni hui hai
hamara ilm to marhun-e-lauh-e-dil hai miyan
kitab-e-aql to bas taaq par dhari hui hai
banao saa.e hararat badan men jazb karo
ki dhuup sehan men kab se yunhi paDi hui hai
nahin nahin main bahut khush raha huun tere baghair
yaqin kar ki ye halat abhi abhi hui hai
vo guftugu jo miri sirf apne-ap se thi
tiri nigah ko pahunchi to sha.iri hui hai
کوئی ملا تو کسی اور کی کمی ہوئی ہے
سو دل نے بے طلبی اختیار کی ہوئی ہے
جہاں سے دل کی طرف زندگی اترتی تھی
نگاہ اب بھی اسی بام پر جمی ہوئی ہے
ہے انتظار اسے بھی تمہاری خوش بو کا
ہوا گلی میں بہت دیر سے رکی ہوئی ہے
تم آ گئے ہو تو اب آئینہ بھی دیکھیں گے
ابھی ابھی تو نگاہوں میں روشنی ہوئی ہے
ہمارا علم تو مرہون لوح دل ہے میاں
کتاب عقل تو بس طاق پر دھری ہوئی ہے
بناؤ سائے حرارت بدن میں جذب کرو
کہ دھوپ صحن میں کب سے یونہی پڑی ہوئی ہے
نہیں نہیں میں بہت خوش رہا ہوں تیرے بغیر
یقین کر کہ یہ حالت ابھی ابھی ہوئی ہے
وہ گفتگو جو مری صرف اپنے آپ سے تھی
تری نگاہ کو پہنچی تو شاعری ہوئی ہے
कोई मिला तो किसी और की कमी हुई है
सो दिल ने बे-तलबी इख़्तियार की हुई है
जहाँ से दिल की तरफ़ ज़िंदगी उतरती थी
निगाह अब भी उसी बाम पर जमी हुई है
है इंतिज़ार उसे भी तुम्हारी ख़ुश-बू का
हवा गली में बहुत देर से रुकी हुई है
तुम आ गए हो तो अब आईना भी देखेंगे
अभी अभी तो निगाहों में रौशनी हुई है
हमारा इल्म तो मरहून-ए-लौह-ए-दिल है मियाँ
किताब-ए-अक़्ल तो बस ताक़ पर धरी हुई है
बनाओ साए हरारत बदन में जज़्ब करो
कि धूप सेहन में कब से यूँही पड़ी हुई है
नहीं नहीं मैं बहुत ख़ुश रहा हूँ तेरे बग़ैर
यक़ीन कर कि ये हालत अभी अभी हुई है
वो गुफ़्तुगू जो मिरी सिर्फ़ अपने-आप से थी
तिरी निगाह को पहुँची तो शाइरी हुई है
IRFAN SATTAR
