ajab hai rang-e-chaman ja-ba-ja udasi hai
mahak udasi hai bad-e-saba udasi hai
nahin nahin ye bhala kis ne kah diya tum se
men Thik-Thak huun haan bas zara udasi hai
main mubtala kabhi hota nahin udasi men
main vo huun jis men ki khud mubtala udasi hai
tabib ne koi tafsil to bata.i nahin
bahut jo puchha to itna kaha udasi hai
gudaz qalb khushi se bhala kisi ko mila
aziim vasf hi insan ka udasi hai
shadid dard ki ru hai ravan rag-e-jan men
bala ka ranj hai be-intiha udasi hai
firaq men bhi udasi baDe kamal ki thi
pas-e-visal to is se siva udasi hai
tumhen mile jo khazane tumhen mubarak hon
miri kama.i to ye be-baha udasi hai
chhupa rahi ho magar chhup nahin rahi miri jaan
jhalak rahi hai jo zer-e-qaba udasi hai
mujhe masa.il-e-kaun-o-makan se kya matlab
mira to sab se baDa mas.ala udasi hai
falak hai sar pe udasi ki tarah phaila hua
zamin nahin hai mire zer-e-pa udasi hai
ghazal ke bhes men aa.i hai aaj mahram-e-dard
sukhan ki oDhe hue hai rida udasi hai
ajiib tarah ki halat hai meri be-ahval
ajiib tarah ki be majra udasi hai
vo kaif-e-hijr men ab ghaliban sharik nahin
ka.i dinon se bahut be-maza udasi hai
vo kah rahe the ki sha.ir ghazab ka hai ‘irfan’
har ek sher men kya gham hai kya udasi hai
عجب ہے رنگ چمن جا بجا اداسی ہے
مہک اداسی ہے باد صبا اداسی ہے
نہیں نہیں یہ بھلا کس نے کہہ دیا تم سے
میں ٹھیک ٹھاک ہوں ہاں بس ذرا اداسی ہے
میں مبتلا کبھی ہوتا نہیں اداسی میں
میں وہ ہوں جس میں کہ خود مبتلا اداسی ہے
طبیب نے کوئی تفصیل تو بتائی نہیں
بہت جو پوچھا تو اتنا کہا اداسی ہے
گداز قلب خوشی سے بھلا کسی کو ملا
عظیم وصف ہی انسان کا اداسی ہے
شدید درد کی رو ہے رواں رگ جاں میں
بلا کا رنج ہے بے انتہا اداسی ہے
فراق میں بھی اداسی بڑے کمال کی تھی
پس وصال تو اس سے سوا اداسی ہے
تمہیں ملے جو خزانے تمہیں مبارک ہوں
مری کمائی تو یہ بے بہا اداسی ہے
چھپا رہی ہو مگر چھپ نہیں رہی مری جاں
جھلک رہی ہے جو زیر قبا اداسی ہے
مجھے مسائل کون و مکاں سے کیا مطلب
مرا تو سب سے بڑا مسئلہ اداسی ہے
فلک ہے سر پہ اداسی کی طرح پھیلا ہوا
زمیں نہیں ہے مرے زیر پا اداسی ہے
غزل کے بھیس میں آئی ہے آج محرم درد
سخن کی اوڑھے ہوئے ہے ردا اداسی ہے
عجیب طرح کی حالت ہے میری بے احوال
عجیب طرح کی بے ماجرا اداسی ہے
وہ کیف ہجر میں اب غالباً شریک نہیں
کئی دنوں سے بہت بے مزا اداسی ہے
وہ کہہ رہے تھے کہ شاعر غضب کا ہے عرفانؔ
ہر ایک شعر میں کیا غم ہے کیا اداسی ہے
अजब है रंग-ए-चमन जा-ब-जा उदासी है
महक उदासी है बाद-ए-सबा उदासी है
नहीं नहीं ये भला किस ने कह दिया तुम से
में ठीक-ठाक हूँ हाँ बस ज़रा उदासी है
मैं मुब्तला कभी होता नहीं उदासी में
मैं वो हूँ जिस में कि ख़ुद मुब्तला उदासी है
तबीब ने कोई तफ़्सील तो बताई नहीं
बहुत जो पूछा तो इतना कहा उदासी है
गुदाज़ क़ल्ब ख़ुशी से भला किसी को मिला
अज़ीम वस्फ़ ही इंसान का उदासी है
शदीद दर्द की रू है रवाँ रग-ए-जाँ में
बला का रंज है बे-इंतिहा उदासी है
फ़िराक़ में भी उदासी बड़े कमाल की थी
पस-ए-विसाल तो इस से सिवा उदासी है
तुम्हें मिले जो ख़ज़ाने तुम्हें मुबारक हों
मिरी कमाई तो ये बे-बहा उदासी है
छुपा रही हो मगर छुप नहीं रही मिरी जाँ
झलक रही है जो ज़ेर-ए-क़बा उदासी है
मुझे मसाइल-ए-कौन-ओ-मकाँ से क्या मतलब
मिरा तो सब से बड़ा मसअला उदासी है
फ़लक है सर पे उदासी की तरह फैला हुआ
ज़मीं नहीं है मिरे ज़ेर-ए-पा उदासी है
ग़ज़ल के भेस में आई है आज महरम-ए-दर्द
सुख़न की ओढ़े हुए है रिदा उदासी है
अजीब तरह की हालत है मेरी बे-अहवाल
अजीब तरह की बे माजरा उदासी है
वो कैफ़-ए-हिज्र में अब ग़ालिबन शरीक नहीं
कई दिनों से बहुत बे-मज़ा उदासी है
वो कह रहे थे कि शाइर ग़ज़ब का है ‘इरफ़ान’
हर एक शेर में क्या ग़म है क्या उदासी है
IRFAN SATTAR
