Aa gayi yaad sham dhalte hi
Bujh gaya dil chiraaG jalte hi
Khul gaye shahr-e-gham ke darwaze
Ek zara si hawaa ke chalte hi
Kaun tha tu? K phir na dekha tujhe
MiT gaya khaab, aankh malte hi
Khauf aata hai apne hi ghar se
Maah-e-shab taab ke nikalte hi
Tu bhi jaise badal sa jaata hai
Aks-e-deewar ke badalte hi
Khun sa lag gaya hai hathoN mein
ChaRh gaya zehr, gul masalte hi
آگئی یاد شام ڈھلتے ہی
بجھ گیا دل چراغ جلتے ہی
کُھل گئے شہرِ غم کے دروازے
اک ذرا سی ہوا کے چلتے ہی
کون تھا تُو کہ پھر نہ دیکھا تُجھے
مِٹ گیا خواب آنکھ ملتے ہی
خوف آتا ہے اپنے ہی گھر سے
ماہِ شب تاب کے نکلتے ہی
تُو بھی جیسے بدل سا جاتا ہے
عکسِ دیوار کے بدلتے ہی
خون سا لگ گیا ہے ہاتھوں میں
چڑھ گیا زہر گل مسلتے ہی
MUNIR NIYAZI
