ankhon se haya Tapke hai andaz to dekho
hai bul-havason par bhi sitam naaz to dekho
us but ke liye main havas-e-hur se guzra
is ishq-e-khush-anjam ka aghaz to dekho
chashmak miri vahshat pe hai kya hazrat-e-naseh
tarz-e-nigah-e-chashm-e-fusun-saz to dekho
arbab-e-havas haar ke bhi jaan pe khele
kam-tala.i-e-ashiq-e-jan-baz to dekho
majlis men mire zikr ke aate hi uThe vo
badnami-e-ushshaq ka e.azaz to dekho
mahfil men tum aghyar ko duz-dida nazar se
manzur hai pinhan na rahe raaz to dekho
us ghairat-e-nahid ki har taan hai dipak
sho.ala sa lapak jaa.e hai avaz to dekho
den paki-e-daman ki gavahi mire aansu
us yusuf-e-bedard ka e.ajaz to dekho
jannat men bhi ‘momin’ na mila haa.e buton se
jaur-e-ajal-e-tafraqa-pardaz to dekho
آنکھوں سے حیا ٹپکے ہے انداز تو دیکھو
ہے بو الہوسوں پر بھی ستم ناز تو دیکھو
اس بت کے لیے میں ہوس حور سے گزرا
اس عشق خوش انجام کا آغاز تو دیکھو
چشمک مری وحشت پہ ہے کیا حضرت ناصح
طرز نگہ چشم فسوں ساز تو دیکھو
ارباب ہوس ہار کے بھی جان پہ کھیلے
کم طالعی عاشق جاں باز تو دیکھو
مجلس میں مرے ذکر کے آتے ہی اٹھے وہ
بدنامیٔ عشاق کا اعزاز تو دیکھو
محفل میں تم اغیار کو دز دیدہ نظر سے
منظور ہے پنہاں نہ رہے راز تو دیکھو
اس غیرت ناہید کی ہر تان ہے دیپک
شعلہ سا لپک جائے ہے آواز تو دیکھو
دیں پاکی دامن کی گواہی مرے آنسو
اس یوسف بے درد کا اعجاز تو دیکھو
جنت میں بھی مومنؔ نہ ملا ہائے بتوں سے
جور اجل تفرقہ پرداز تو دیکھو
आँखों से हया टपके है अंदाज़ तो देखो
है बुल-हवसों पर भी सितम नाज़ तो देखो
उस बुत के लिए मैं हवस-ए-हूर से गुज़रा
इस इश्क़-ए-ख़ुश-अंजाम का आग़ाज़ तो देखो
चश्मक मिरी वहशत पे है क्या हज़रत-ए-नासेह
तर्ज़-ए-निगह-ए-चश्म-ए-फ़ुसूँ-साज़ तो देखो
अरबाब-ए-हवस हार के भी जान पे खेले
कम-तालई-ए-आशिक़-ए-जाँ-बाज़ तो देखो
मज्लिस में मिरे ज़िक्र के आते ही उठे वो
बदनामी-ए-उश्शाक़ का एज़ाज़ तो देखो
महफ़िल में तुम अग़्यार को दुज़-दीदा नज़र से
मंज़ूर है पिन्हाँ न रहे राज़ तो देखो
उस ग़ैरत-ए-नाहीद की हर तान है दीपक
शो’ला सा लपक जाए है आवाज़ तो देखो
दें पाकी-ए-दामन की गवाही मिरे आँसू
उस यूसुफ़-ए-बेदर्द का ए’जाज़ तो देखो
जन्नत में भी ‘मोमिन’ न मिला हाए बुतों से
जौर-ए-अजल-ए-तफ़रक़ा-पर्दाज़ तो देखो
MOMIN KHAN MOMIN
