Ye Aarzu Thi Tujhe Gul Ke Ru-Ba-Ru Karte
ye aarzu thi tujhe gul ke ru-ba-ru karte
ham aur bulbul-e-betab guftugu karte
payambar na mayassar hua to khuub hua
zaban-e-ghair se kya sharh-e-arzu karte
miri tarah se mah-o-mehr bhi hain avara
kisi habib ki ye bhi hain justuju karte
hamesha rang-e-zamana badalta rahta hai
safed rang hain akhir siyah mu karte
luTate daulat-e-duniya ko mai-kade men ham
tila.i saghar-e-mai nuqra.i subu karte
hamesha main ne gareban ko chaak chaak kiya
tamam umr rafugar rahe rafu karte
jo dekhte tiri zanjir-e-zulf ka aalam
asiir hone ki azad aarzu karte
bayaz-e-gardan-e-janan ko sub.h kahte jo ham
sitara-e-sahari takma-e-gulu karte
ye ka.abe se nahin be-vaj.h nisbat-e-rukh-e-yar
ye be-sabab nahin murde ko qibla-ru karte
sikhate nala-e-shab-gir ko dar-andazi
gham-e-firaq ka us charkh ko adu karte
vo jan-e-jan nahin aata to maut hi aati
dil-o-jigar ko kahan tak bhala lahu karte
na puchh alam-e-bargashta-tala.i ‘atish’
barasti aag jo baran ki aarzu karte
یہ آرزو تھی تجھے گل کے رو بہ رو کرتے
ہم اور بلبل بیتاب گفتگو کرتے
پیامبر نہ میسر ہوا تو خوب ہوا
زبان غیر سے کیا شرح آرزو کرتے
مری طرح سے مہ و مہر بھی ہیں آوارہ
کسی حبیب کی یہ بھی ہیں جستجو کرتے
ہمیشہ رنگ زمانہ بدلتا رہتا ہے
سفید رنگ ہیں آخر سیاہ مو کرتے
لٹاتے دولت دنیا کو میکدے میں ہم
طلائی ساغر مے نقرئی سبو کرتے
ہمیشہ میں نے گریباں کو چاک چاک کیا
تمام عمر رفوگر رہے رفو کرتے
جو دیکھتے تری زنجیر زلف کا عالم
اسیر ہونے کی آزاد آرزو کرتے
بیاض گردن جاناں کو صبح کہتے جو ہم
ستارۂ سحری تکمۂ گلو کرتے
یہ کعبے سے نہیں بے وجہ نسبت رخ یار
یہ بے سبب نہیں مردے کو قبلہ رو کرتے
سکھاتے نالۂ شبگیر کو در اندازی
غم فراق کا اس چرخ کو عدو کرتے
وہ جان جاں نہیں آتا تو موت ہی آتی
دل و جگر کو کہاں تک بھلا لہو کرتے
نہ پوچھ عالم برگشتہ طالعی آتشؔ
برستی آگ جو باراں کی آرزو کرتے
ये आरज़ू थी तुझे गुल के रू-ब-रू करते
हम और बुलबुल-ए-बेताब गुफ़्तुगू करते
पयाम्बर न मयस्सर हुआ तो ख़ूब हुआ
ज़बान-ए-ग़ैर से क्या शरह-ए-आरज़ू करते
मिरी तरह से मह-ओ-मेहर भी हैं आवारा
किसी हबीब की ये भी हैं जुस्तुजू करते
हमेशा रंग-ए-ज़माना बदलता रहता है
सफ़ेद रंग हैं आख़िर सियाह मू करते
लुटाते दौलत-ए-दुनिया को मय-कदे में हम
तिलाई साग़र-ए-मय नुक़रई सुबू करते
हमेशा मैं ने गरेबाँ को चाक चाक किया
तमाम उम्र रफ़ूगर रहे रफ़ू करते
जो देखते तिरी ज़ंजीर-ए-ज़ुल्फ़ का आलम
असीर होने की आज़ाद आरज़ू करते
बयाज़-ए-गर्दन-ए-जानाँ को सुब्ह कहते जो हम
सितारा-ए-सहरी तकमा-ए-गुलू करते
ये का’बे से नहीं बे-वज्ह निस्बत-ए-रुख़-ए-यार
ये बे-सबब नहीं मुर्दे को क़िबला-रू करते
सिखाते नाला-ए-शब-गीर को दर-अंदाज़ी
ग़म-ए-फ़िराक़ का उस चर्ख़ को अदू करते
वो जान-ए-जाँ नहीं आता तो मौत ही आती
दिल-ओ-जिगर को कहाँ तक भला लहू करते
न पूछ आलम-ए-बरगश्ता-तालई ‘आतिश’
बरसती आग जो बाराँ की आरज़ू करते
HAIDAR ALI AATISH