UnhiN ko raah e talab khaar daar di gayi hai
Woh jin ko mamlekat e aetebaar di gayi hai
Zara si der to solein yeh ahl e dil K inhein
Bahut taveel shab e intezaar di gayi hai
Gaye dinoN meN hamara tha Qasr e khush aasaar
Ab apne naam ki takhti utaar di gayi hai
Lahoo lahaan ujaaloN ka din dhalaa aakhir
Siyaah, karb-zada shab guzaar di gayi hai
Hamaare paas tha kya khaab, woh to toot gaya
Ek aur cheez thi jaaN, tujh per waar di gayi hai
Hamaari dasht navardi ko ek fasaane mein
Bashaarat e shajar e saaya daar di gayi hai
انہی کو راہِ طلب خار دار دی گئی ہے
وہ جن کو مملکتِ اعتبار دی گئی ہے
ذرا سی دیر تو سو لیں یہ اہلِِ دل کہ انہیں
بہت طویل شبِ انتظار دی گئی ہے
گئے دنوں میں ہمارا تھا قصرِ خوش آثار
اب اپنے نام کی تختی اتار دی گئی ہے
لہو لہان اجالوں کا دن ڈھلا آخر
سیاہ کرب زدہ شب گزار دی گئی ہے
ہمارے پاس تھا کیا خواب وہ تو ٹوٹ گیا
اک اور چیز تھی جان’تجھ پر وار دی گئی ہے
ہماری دشت نوردی کو اک فسانے میں
بشارتِ شجرِ سایہ دار دی گئی ہے
GHALIB AYAZ
