naya ik rishta paida kiyun karain ham
bicharrna hai tu jhaggra kiyun karrain ham
khamoshi say ada ho rasm e durri
koi hangama barpa kiyun karrain ham
ye kafi hai kay ham dushman nahi hain
wafa dari ka dawa kiyun karain ham
wafa ikhlas qurbani muhabbat
ab inn laffzon ka peecha kiyun karrain ham
zulekhaye azizan baat yeh hai
bhalla ghatty ka sauda kiyun karain ham
hamari hi tamana kiyun karo tum
tumhari hi tamana kiyun karain ham
kiya tha ehad jab lamhon main ham nay
tu sarri umer aifa kiyun karain ham
utha kar kiyun na phainkain sari cheezain
faqt kamron main tehlla kiyun karain ham
nahi duniya ko jab parwa hamari
tu phir duniya ki parwa kiyun karain ham
barhana hain sar e bazar tu kiya
bhalla andhon say parda kiyun karain ham
hain bashinday issi basti kay ham bhi
so khud pay bhi bharosa kiyun karain ham
parri rehnay do insanon ki lashain
zamen ka bojh halka kiyun karain ham
نیا اک رشتہ پیدا کیوں کریں ہم
بچھڑنا ہے تو جھگڑا کیوں کریں ہم
خموشی سے ادا ہو رسم دوری
کوئی ہنگامہ برپا کیوں کریں ہم
یہ کافی ہے کہ ہم دشمن نہیں ہیں
وفا داری کا دعویٰ کیوں کریں ہم
وفا اخلاص قربانی محبت
اب ان لفظوں کا پیچھا کیوں کریں ہم
سنا دیں عصمت مریم کا قصہ
پر اب اس باب کو وا کیوں کریں ہم
زلیخائے عزیزاں بات یہ ہے
بھلا گھاٹے کا سودا کیوں کریں ہم
ہماری ہی تمنا کیوں کرو تم
تمہاری ہی تمنا کیوں کریں ہم
کیا تھا عہد جب لمحوں میں ہم نے
تو ساری عمر ایفا کیوں کریں ہم
اٹھا کر کیوں نہ پھینکیں ساری چیزیں
فقط کمروں میں ٹہلا کیوں کریں ہم
جو اک نسل فرومایہ کو پہنچے
وہ سرمایہ اکٹھا کیوں کریں ہم
نہیں دنیا کو جب پروا ہماری
تو پھر دنیا کی پروا کیوں کریں ہم
برہنہ ہیں سر بازار تو کیا
بھلا اندھوں سے پردہ کیوں کریں ہم
ہیں باشندے اسی بستی کے ہم بھی
سو خود پر بھی بھروسا کیوں کریں ہم
چبا لیں کیوں نہ خود ہی اپنا ڈھانچہ
تمہیں راتب مہیا کیوں کریں ہم
پڑی ہیں دو انسانوں کی لاشیں
زمیں کا بوجھ ہلکا کیوں کریں ہم
JAUN ELIA
