ham ko junun kya sikhlate ho ham the pareshan tum se ziyada
chaak kiye hain ham ne azizo chaar gareban tum se ziyaada
chak-e-jigar mohtaj-e-rafu hai aaj to daman sarf-e-lahu hai
ik mausam tha ham ko raha hai shauq-e-baharan tum se ziyaada
ahd-e-vafa yaron se nibha.en naz-e-harifan hans ke uTha.en
jab hamen arman tum se siva tha ab hain pasheman tum se ziyaada
ham bhi hamesha qatl hue aur tum ne bhi dekha duur se lekin
ye na samajhna ham ko hua hai jaan ka nuqsan tum se ziyaada
jaao tum apne baam ki khatir saari laven sham.on ki katar lo
zakhm ke mehr-o-mah salamat jashn-e-charaghan tum se ziyaada
dekh ke uljhan zulf-e-dota ki kaise ulajh paDte hain hava se
ham se sikho ham ko hai yaaro fikr-e-nigaran tum se ziyaada
zanjir o divar hi dekhi tum ne to ‘majruh’ magar ham
kucha kucha dekh rahe hain alam-e-zindan tum se ziyaada
ہم کو جنوں کیا سکھلاتے ہو ہم تھے پریشاں تم سے زیادہ
چاک کئے ہیں ہم نے عزیزو چار گریباں تم سے زیادہ
چاک جگر محتاج رفو ہے آج تو دامن صرف لہو ہے
اک موسم تھا ہم کو رہا ہے شوق بہاراں تم سے زیادہ
عہد وفا یاروں سے نبھائیں ناز حریفاں ہنس کے اٹھائیں
جب ہمیں ارماں تم سے سوا تھا اب ہیں پشیماں تم سے زیادہ
ہم بھی ہمیشہ قتل ہوئے اور تم نے بھی دیکھا دور سے لیکن
یہ نہ سمجھنا ہم کو ہوا ہے جان کا نقصاں تم سے زیادہ
جاؤ تم اپنے بام کی خاطر ساری لویں شمعوں کی کتر لو
زخم کے مہر و ماہ سلامت جشن چراغاں تم سے زیادہ
دیکھ کے الجھن زلف دوتا کی کیسے الجھ پڑتے ہیں ہوا سے
ہم سے سیکھو ہم کو ہے یارو فکر نگاراں تم سے زیادہ
زنجیر و دیوار ہی دیکھی تم نے تو مجروحؔ مگر ہم
کوچہ کوچہ دیکھ رہے ہیں عالم زنداں تم سے زیادہ
हम को जुनूँ क्या सिखलाते हो हम थे परेशाँ तुम से ज़ियादा
चाक किए हैं हम ने अज़ीज़ो चार गरेबाँ तुम से ज़ियादा
चाक-ए-जिगर मोहताज-ए-रफ़ू है आज तो दामन सर्फ़-ए-लहू है
इक मौसम था हम को रहा है शौक़-ए-बहाराँ तुम से ज़ियादा
अहद-ए-वफ़ा यारों से निभाएँ नाज़-ए-हरीफ़ाँ हँस के उठाएँ
जब हमें अरमाँ तुम से सिवा था अब हैं पशेमाँ तुम से ज़ियादा
हम भी हमेशा क़त्ल हुए और तुम ने भी देखा दूर से लेकिन
ये न समझना हम को हुआ है जान का नुक़साँ तुम से ज़ियादा
जाओ तुम अपने बाम की ख़ातिर सारी लवें शम्ओं की कतर लो
ज़ख़्म के मेहर-ओ-माह सलामत जश्न-ए-चराग़ाँ तुम से ज़ियादा
देख के उलझन ज़ुल्फ़-ए-दोता की कैसे उलझ पड़ते हैं हवा से
हम से सीखो हम को है यारो फ़िक्र-ए-निगाराँ तुम से ज़ियादा
ज़ंजीर ओ दीवार ही देखी तुम ने तो ‘मजरूह’ मगर हम
कूचा कूचा देख रहे हैं आलम-ए-ज़िंदाँ तुम से ज़ियादा
MAJROOH SULTANPURI
