aa ke patthar to mere sahn mein do chaar gire
jitne us peD ke phal the pas-e-divar gire
aisi dahshat thi fazaon mein khule paani ki
aankh jhapki bhi nahin haath se patvar gire
mujhe girna hai to main apne hi qadmon mein girun
jis tarah saya-e-divar pe divar gire
tirgi chhoD ga.e dil mein ujale ke khutut
ye sitare mere ghar TuuT ke bekar gire
kya hava haath mein talvar liye phirti thi
kyuun mujhe Dhaal banane ko ye chhitnar gire
dekh kar apne dar-o-bam laraz jaata huun
mire ham-sa.e men jab bhi koi divar gire
vaqt ki Dor khuda jaane kahan se TuuTe
kis ghaDi sar pe ye laTki hui talvar gire
ham se Takra ga.i khud baDh ke andhere ki chaTan
ham sambhal kar jo bahut chalte the na-char gire
kya kahun dida-e-tar ye to mera chehra hai
sang kaT jaate hain barish ki jahan dhaar gire
haath aaya nahin kuchh raat ki daldal ke siva
haa.e kis moD pe khvabon ke parastar gire
vo tajalli ki shua.en thiin ki jalte hue par
aa.ine TuuT ga.e a.ina-bardar gire
dekhte kyuun ho ‘shakeb’ itni bulandi ki taraf
na uThaya karo sar ko ki ye dastar gire
آ کے پتھر تو مرے صحن میں دو چار گرے
جتنے اس پیڑ کے پھل تھے پس دیوار گرے
ایسی دہشت تھی فضاؤں میں کھلے پانی کی
آنکھ جھپکی بھی نہیں ہاتھ سے پتوار گرے
مجھے گرنا ہے تو میں اپنے ہی قدموں میں گروں
جس طرح سایۂ دیوار پہ دیوار گرے
تیرگی چھوڑ گئے دل میں اجالے کے خطوط
یہ ستارے مرے گھر ٹوٹ کے بے کار گرے
کیا ہوا ہاتھ میں تلوار لیے پھرتی تھی
کیوں مجھے ڈھال بنانے کو یہ چھتنار گرے
دیکھ کر اپنے در و بام لرز جاتا ہوں
مرے ہم سایے میں جب بھی کوئی دیوار گرے
وقت کی ڈور خدا جانے کہاں سے ٹوٹے
کس گھڑی سر پہ یہ لٹکی ہوئی تلوار گرے
ہم سے ٹکرا گئی خود بڑھ کے اندھیرے کی چٹان
ہم سنبھل کر جو بہت چلتے تھے ناچار گرے
کیا کہوں دیدۂ تر یہ تو مرا چہرہ ہے
سنگ کٹ جاتے ہیں بارش کی جہاں دھار گرے
ہاتھ آیا نہیں کچھ رات کی دلدل کے سوا
ہائے کس موڑ پہ خوابوں کے پرستار گرے
وہ تجلی کی شعاعیں تھیں کہ جلتے ہوئے پر
آئنے ٹوٹ گئے آئنہ بردار گرے
دیکھتے کیوں ہو شکیبؔ اتنی بلندی کی طرف
نہ اٹھایا کرو سر کو کہ یہ دستار گرے
आ के पत्थर तो मिरे सहन में दो चार गिरे
जितने उस पेड़ के फल थे पस-ए-दीवार गिरे
ऐसी दहशत थी फ़ज़ाओं में खुले पानी की
आँख झपकी भी नहीं हाथ से पतवार गिरे
मुझे गिरना है तो मैं अपने ही क़दमों में गिरूँ
जिस तरह साया-ए-दीवार पे दीवार गिरे
तीरगी छोड़ गए दिल में उजाले के ख़ुतूत
ये सितारे मिरे घर टूट के बेकार गिरे
क्या हवा हाथ में तलवार लिए फिरती थी
क्यूँ मुझे ढाल बनाने को ये छितनार गिरे
देख कर अपने दर-ओ-बाम लरज़ जाता हूँ
मिरे हम-साए में जब भी कोई दीवार गिरे
वक़्त की डोर ख़ुदा जाने कहाँ से टूटे
किस घड़ी सर पे ये लटकी हुई तलवार गिरे
हम से टकरा गई ख़ुद बढ़ के अँधेरे की चटान
हम सँभल कर जो बहुत चलते थे नाचार गिरे
क्या कहूँ दीदा-ए-तर ये तो मिरा चेहरा है
संग कट जाते हैं बारिश की जहाँ धार गिरे
हाथ आया नहीं कुछ रात की दलदल के सिवा
हाए किस मोड़ पे ख़्वाबों के परस्तार गिरे
वो तजल्ली की शुआएँ थीं कि जलते हुए पर
आइने टूट गए आइना-बरदार गिरे
देखते क्यूँ हो ‘शकेब’ इतनी बुलंदी की तरफ़
न उठाया करो सर को कि ये दस्तार गिरे
SHAKEB JALALI
