sukhan mein rang tumhaare khayal hi ke to hain
ye sab karishme hava-e-visal hi ke to hain
kaha tha tum ne ki laata hai kaun ishq ki taab
so ham javab tumhare saval hi ke to hain
zara si baat hai dil mein agar bayan ho jaa.e
tamam mas.ale iz.har-e-hal hi ke to hain
yahan bhi us ke siva aur kya nasib hamen
khutan mein rah ke bhi chashm-e-ghazal hi ke to hain
jasarat-e-sukhan-e-sha.iran se Darna kiya
gharib mashghala-e-qil-o-qal hi ke to hain
hava ki zad pe hamara safar hai kitni der
charagh ham kisi sham-e-zaval hi ke to hain
سخن میں رنگ تمہارے خیال ہی کے تو ہیں
یہ سب کرشمے ہوائے وصال ہی کے تو ہیں
کہا تھا تم نے کہ لاتا ہے کون عشق کی تاب
سو ہم جواب تمہارے سوال ہی کے تو ہیں
ذرا سی بات ہے دل میں اگر بیاں ہو جائے
تمام مسئلے اظہار حال ہی کے تو ہیں
یہاں بھی اس کے سوا اور کیا نصیب ہمیں
ختن میں رہ کے بھی چشم غزال ہی کے تو ہیں
جسارت سخن شاعراں سے ڈرنا کیا
غریب مشغلۂ قیل و قال ہی کے تو ہیں
ہوا کی زد پہ ہمارا سفر ہے کتنی دیر
چراغ ہم کسی شام زوال ہی کے تو ہیں
सुख़न में रंग तुम्हारे ख़याल ही के तो हैं
ये सब करिश्मे हवा-ए-विसाल ही के तो हैं
कहा था तुम ने कि लाता है कौन इश्क़ की ताब
सो हम जवाब तुम्हारे सवाल ही के तो हैं
ज़रा सी बात है दिल में अगर बयाँ हो जाए
तमाम मसअले इज़हार-ए-हाल ही के तो हैं
यहाँ भी उस के सिवा और क्या नसीब हमें
ख़ुतन में रह के भी चश्म-ए-ग़ज़ाल ही के तो हैं
जसारत-ए-सुख़न-ए-शाइराँ से डरना किया
ग़रीब मश्ग़ला-ए-कील-ओ-क़ाल ही के तो हैं
हवा की ज़द पे हमारा सफ़र है कितनी देर
चराग़ हम किसी शाम-ए-ज़वाल ही के तो हैं
IRFAN SIDDIQI
