nam hi kya nishan hi kya khwab-o-khayal ho gae
teri misal de ke ham teri misal ho gae
saya-e-zat se bhi ram aks-e-sifat se bhi ram
dasht-e-ghazal men aa ke dekh ham to ghazal ho gae
kahte hi nashsha-ha-e-zauq kitne hi jazba-ha-e-shauq
rasm-e-tapak-e-yar se ru-ba-zaval ho gae
ishq hai apna pa.edar teri vafa hai ustuvar
ham to halak-e-varzish-e-farz-e-muhal ho gae
jada-e-shauq men paDa qaht-e-ghubar-e-karvan
vaan ke shajar to sar-ba-sar dast-e-saval ho gae
sakht zamin-parast the ahd-e-vafa ke pasdar
uD ke bulandiyon men ham gard-e-malal ho gae
qurb-e-jamal aur ham aish-e-visal aur ham
haan ye hua ki sakin-e-shahr-e-jamal ho gae
ham-nafasan-e-vaz.a-dar mustamian-e-burd-bar
ham to tumhare vaste ek vabal ho gae
kaun sa qafila hai ye jis ke jaras ka hai ye shor
main to niDhal ho gaya ham to niDhal ho gae
khar-ba-khar gul-ba-gul fasl-e-bahar aa gai
fasl-e-bahar aa gai zakhm bahal ho gae
shor uTha magar tujhe lazzat-e-gosh to mili
khuun baha magar tire haath to laal ho gae
‘jaun’ karoge kab talak apna misaliya talash
ab kai hijr ho chuke ab kai saal ho gae
نام ہی کیا نشاں ہی کیا خواب و خیال ہو گئے
تیری مثال دے کے ہم تیری مثال ہو گئے
سایۂ ذات سے بھی رم عکس صفات سے بھی رم
دشت غزل میں آ کے دیکھ ہم تو غزال ہو گئے
کہتے ہی نشہ ہائے ذوق کتنے ہی جذبہ ہائے شوق
رسم تپاک یار سے رو بہ زوال ہو گئے
عشق ہے اپنا پائیدار تیری وفا ہے استوار
ہم تو ہلاک ورزش فرض محال ہو گئے
جادۂ شوق میں پڑا قحط غبار کارواں
واں کے شجر تو سر بسر دست سوال ہو گئے
سخت زمیں پرست تھے عہد وفا کے پاسدار
اڑ کے بلندیوں میں ہم گرد ملال ہو گئے
قرب جمال اور ہم عیش وصال اور ہم
ہاں یہ ہوا کہ ساکن شہر جمال ہو گئے
ہم نفسان وضع دار مستمعان برد بار
ہم تو تمہارے واسطے ایک وبال ہو گئے
کون سا قافلہ ہے یہ جس کے جرس کا ہے یہ شور
میں تو نڈھال ہو گیا ہم تو نڈھال ہو گئے
خار بہ خار گل بہ گل فصل بہار آ گئی
فصل بہار آ گئی زخم بحال ہو گئے
شور اٹھا مگر تجھے لذت گوش تو ملی
خون بہا مگر ترے ہاتھ تو لال ہو گئے
جونؔ کرو گے کب تلک اپنا مثالیہ تلاش
اب کئی ہجر ہو چکے اب کئی سال ہو گئے
नाम ही क्या निशाँ ही क्या ख़्वाब-ओ-ख़याल हो गए
तेरी मिसाल दे के हम तेरी मिसाल हो गए
साया-ए-ज़ात से भी रम अक्स-ए-सिफ़ात से भी रम
दश्त-ए-ग़ज़ल में आ के देख हम तो ग़ज़ाल हो गए
कहते ही नश्शा-हा-ए-ज़ौक़ कितने ही जज़्बा-हा-ए-शौक़
रस्म-ए-तपाक-ए-यार से रू-ब-ज़वाल हो गए
इश्क़ है अपना पाएदार तेरी वफ़ा है उस्तुवार
हम तो हलाक-ए-वर्ज़िश-ए-फ़र्ज़-ए-मुहाल हो गए
जादा-ए-शौक़ में पड़ा क़हत-ए-गुबार-ए-कारवाँ
वाँ के शजर तो सर-ब-सर दस्त-ए-सवाल हो गए
सख़्त ज़मीं-परस्त थे अहद-ए-वफ़ा के पासदार
उड़ के बुलंदियों में हम गर्द-ए-मलाल हो गए
क़ुर्ब-ए-जमाल और हम ऐश-ए-विसाल और हम
हाँ ये हुआ कि साकिन-ए-शहर-ए-जमाल हो गए
हम-नफ़सान-ए-वज़्अ’-दार मुस्तमिआन-ए-बुर्द-बार
हम तो तुम्हारे वास्ते एक वबाल हो गए
कौन सा क़ाफ़िला है ये जिस के जरस का है ये शोर
मैं तो निढाल हो गया हम तो निढाल हो गए
ख़ार-ब-ख़ार गुल-ब-गुल फ़स्ल-ए-बहार आ गई
फ़स्ल-ए-बहार आ गई ज़ख़्म बहाल हो गए
शोर उठा मगर तुझे लज़्ज़त-ए-गोश तो मिली
ख़ून बहा मगर तिरे हाथ तो लाल हो गए
‘जौन’ करोगे कब तलक अपना मिसालिया तलाश
अब कई हिज्र हो चुके अब कई साल हो गए
JAUN ELIYA
