ghazab kiya tire va.ade pe e’tibar kiya
tamam raat qayamat ka intizar kiya
kisi tarah jo na us but ne e’tibar kiya
miri vafa ne mujhe khuub sharmsar kiya
hansa hansa ke shab-e-vasl ashk-bar kiya
tasalliyan mujhe de de ke be-qarar kiya
ye kis ne jalva hamare sar-e-mazar kiya
ki dil se shor uTha haa.e be-qarar kiya
suna hai tegh ko qatil ne ab-dar kiya
agar ye sach hai to be-shubah ham pe vaar kiya
na aa.e raah pe vo ijz be-shumar kiya
shab-e-visal bhi main ne to intizar kiya
tujhe to vada-e-didar ham se karna tha
ye kya kiya ki jahan ko umid-var kiya
ye dil ko taab kahan hai ki ho ma.al-andesh
unhon ne va.ada kiya is ne e’tibar kiya
kahan ka sabr ki dam par hai ban ga.i zalim
ba tang aa.e to hal-e-dil ashkar kiya
taDap phir ai dil-e-nadan ki ghair kahte hain
akhir kuchh na bani sabr ikhtiyar kiya
mile jo yaar ki shokhi se us ki bechaini
tamam raat dil-e-muztarib ko pyaar kiya
bhula bhula ke jataya hai un ko raz-e-nihan
chhupa chhupa ke mohabbat ko ashkar kiya
na us ke dil se miTaya ki saaf ho jaata
saba ne khaak pareshan mira ghubar kiya
ham aise mahv-e-nazara na the jo hosh aata
magar tumhare taġhaful ne hoshyar kiya
hamare siine men jo rah ga.i thi atish-e-hijr
shab-e-visal bhi us ko na ham-kanar kiya
raqib o sheva-e-ulfat khuda ki qudrat hai
vo aur ishq bhala tum ne e’tibar kiya
zaban-e-khar se nikli sada-e-bismillah
junun ko jab sar-e-shorida par savar kiya
tiri nigah ke tasavvur men ham ne ai qatil
laga laga ke gale se chhuri ko pyaar kiya
ghazab thi kasrat-e-mahfil ki main ne dhoke men
hazar baar raqibon ko ham-kanar kiya
hua hai koi magar us ka chahne vaala
ki asman ne tira sheva ikhtiyar kiya
na puchh dil ki haqiqat magar ye kahte hain
vo be-qarar rahe jis ne be-qarar kiya
jab un ko tarz-e-sitam aa ga.e to hosh aaya
bura ho dil ka bure vaqt hoshyar kiya
fasana-e-shab-e-gham un ko ik kahani thi
kuchh e’tibar kiya kuchh na e’tibar kiya
asiri dil-e-ashufta rang la ke rahi
tamam turra-e-tarrar taar taar kiya
kuchh aa ga.i davar-e-mahshar se hai ummid mujhe
kuchh aap ne mire kahne ka e’tibar kiya
kisi ke ishq-e-nihan men ye bad-gumani thi
ki Darte Darte khuda par bhi ashkar kiya
falak se taur qayamat ke ban na paDte the
akhir ab tujhe ashob-e-rozgar kiya
vo baat kar jo kabhi asman se ho na sake
sitam kiya to baDa tu ne iftikhar kiya
banega mehr-e-qayamat bhi ek khal-e-siyah
jo chehra ‘dagh’-e-siyah-ru ne ashkar kiya
غضب کیا ترے وعدے پہ اعتبار کیا
تمام رات قیامت کا انتظار کیا
کسی طرح جو نہ اس بت نے اعتبار کیا
مری وفا نے مجھے خوب شرمسار کیا
ہنسا ہنسا کے شب وصل اشک بار کیا
تسلیاں مجھے دے دے کے بے قرار کیا
یہ کس نے جلوہ ہمارے سر مزار کیا
کہ دل سے شور اٹھا ہائے بے قرار کیا
سنا ہے تیغ کو قاتل نے آب دار کیا
اگر یہ سچ ہے تو بے شبہ ہم پہ وار کیا
نہ آئے راہ پہ وہ عجز بے شمار کیا
شب وصال بھی میں نے تو انتظار کیا
تجھے تو وعدۂ دیدار ہم سے کرنا تھا
یہ کیا کیا کہ جہاں کو امیدوار کیا
یہ دل کو تاب کہاں ہے کہ ہو مآل اندیش
انہوں نے وعدہ کیا اس نے اعتبار کیا
کہاں کا صبر کہ دم پر ہے بن گئی ظالم
بہ تنگ آئے تو حال دل آشکار کیا
تڑپ پھر اے دل ناداں کہ غیر کہتے ہیں
اخیر کچھ نہ بنی صبر اختیار کیا
ملے جو یار کی شوخی سے اس کی بے چینی
تمام رات دل مضطرب کو پیار کیا
بھلا بھلا کے جتایا ہے ان کو راز نہاں
چھپا چھپا کے محبت کو آشکار کیا
نہ اس کے دل سے مٹایا کہ صاف ہو جاتا
صبا نے خاک پریشاں مرا غبار کیا
ہم ایسے محو نظارہ نہ تھے جو ہوش آتا
مگر تمہارے تغافل نے ہوشیار کیا
ہمارے سینے میں جو رہ گئی تھی آتش ہجر
شب وصال بھی اس کو نہ ہمکنار کیا
رقیب و شیوۂ الفت خدا کی قدرت ہے
وہ اور عشق بھلا تم نے اعتبار کیا
زبان خار سے نکلی صدائے بسم اللہ
جنوں کو جب سر شوریدہ پر سوار کیا
تری نگہ کے تصور میں ہم نے اے قاتل
لگا لگا کے گلے سے چھری کو پیار کیا
غضب تھی کثرت محفل کہ میں نے دھوکہ میں
ہزار بار رقیبوں کو ہمکنار کیا
ہوا ہے کوئی مگر اس کا چاہنے والا
کہ آسماں نے ترا شیوہ اختیار کیا
نہ پوچھ دل کی حقیقت مگر یہ کہتے ہیں
وہ بے قرار رہے جس نے بے قرار کیا
جب ان کو طرز ستم آ گئے تو ہوش آیا
برا ہو دل کا برے وقت ہشیار کیا
فسانۂ شب غم ان کو اک کہانی تھی
کچھ اعتبار کیا کچھ نہ اعتبار کیا
اسیری دل آشفتہ رنگ لا کے رہی
تمام طرۂ طرار تار تار کیا
کچھ آ گئی داور محشر سے ہے امید مجھے
کچھ آپ نے مرے کہنے کا اعتبار کیا
کسی کے عشق نہاں میں یہ بد گمانی تھی
کہ ڈرتے ڈرتے خدا پر بھی آشکار کیا
فلک سے طور قیامت کے بن نہ پڑتے تھے
اخیر اب تجھے آشوب روزگار کیا
وہ بات کر جو کبھی آسماں سے ہو نہ سکے
ستم کیا تو بڑا تو نے افتخار کیا
بنے گا مہر قیامت بھی ایک خال سیاہ
جو چہرہ داغؔ سیہ رو نے آشکار کیا
ग़ज़ब किया तिरे वअ’दे पे ए’तिबार किया
तमाम रात क़यामत का इंतिज़ार किया
किसी तरह जो न उस बुत ने ए’तिबार किया
मिरी वफ़ा ने मुझे ख़ूब शर्मसार किया
हँसा हँसा के शब-ए-वस्ल अश्क-बार किया
तसल्लियाँ मुझे दे दे के बे-क़रार किया
ये किस ने जल्वा हमारे सर-ए-मज़ार किया
कि दिल से शोर उठा हाए बे-क़रार किया
सुना है तेग़ को क़ातिल ने आब-दार किया
अगर ये सच है तो बे-शुबह हम पे वार किया
न आए राह पे वो इज्ज़ बे-शुमार किया
शब-ए-विसाल भी मैं ने तो इंतिज़ार किया
तुझे तो वादा-ए-दीदार हम से करना था
ये क्या किया कि जहाँ को उमीद-वार किया
ये दिल को ताब कहाँ है कि हो मआल-अंदेश
उन्हों ने वअ’दा किया इस ने ए’तिबार किया
कहाँ का सब्र कि दम पर है बन गई ज़ालिम
ब तंग आए तो हाल-ए-दिल आश्कार किया
तड़प फिर ऐ दिल-ए-नादाँ कि ग़ैर कहते हैं
अख़ीर कुछ न बनी सब्र इख़्तियार किया
मिले जो यार की शोख़ी से उस की बेचैनी
तमाम रात दिल-ए-मुज़्तरिब को प्यार किया
भुला भुला के जताया है उन को राज़-ए-निहाँ
छुपा छुपा के मोहब्बत को आश्कार किया
न उस के दिल से मिटाया कि साफ़ हो जाता
सबा ने ख़ाक परेशाँ मिरा ग़ुबार किया
हम ऐसे महव-ए-नज़ारा न थे जो होश आता
मगर तुम्हारे तग़ाफ़ुल ने होश्यार किया
हमारे सीने में जो रह गई थी आतिश-ए-हिज्र
शब-ए-विसाल भी उस को न हम-कनार किया
रक़ीब ओ शेवा-ए-उल्फ़त ख़ुदा की क़ुदरत है
वो और इश्क़ भला तुम ने ए’तिबार किया
ज़बान-ए-ख़ार से निकली सदा-ए-बिस्मिल्लाह
जुनूँ को जब सर-ए-शोरीदा पर सवार किया
तिरी निगह के तसव्वुर में हम ने ऐ क़ातिल
लगा लगा के गले से छुरी को प्यार किया
ग़ज़ब थी कसरत-ए-महफ़िल कि मैं ने धोके में
हज़ार बार रक़ीबों को हम-कनार किया
हुआ है कोई मगर उस का चाहने वाला
कि आसमाँ ने तिरा शेवा इख़्तियार किया
न पूछ दिल की हक़ीक़त मगर ये कहते हैं
वो बे-क़रार रहे जिस ने बे-क़रार किया
जब उन को तर्ज़-ए-सितम आ गए तो होश आया
बुरा हो दिल का बुरे वक़्त होश्यार किया
फ़साना-ए-शब-ए-ग़म उन को इक कहानी थी
कुछ ए’तिबार किया कुछ न ए’तिबार किया
असीरी दिल-ए-आशुफ़्ता रंग ला के रही
तमाम तुर्रा-ए-तर्रार तार तार किया
कुछ आ गई दावर-ए-महशर से है उम्मीद मुझे
कुछ आप ने मिरे कहने का ए’तिबार किया
किसी के इश्क़-ए-निहाँ में ये बद-गुमानी थी
कि डरते डरते ख़ुदा पर भी आश्कार किया
फ़लक से तौर क़यामत के बन न पड़ते थे
अख़ीर अब तुझे आशोब-ए-रोज़गार किया
वो बात कर जो कभी आसमाँ से हो न सके
सितम किया तो बड़ा तू ने इफ़्तिख़ार किया
बनेगा मेहर-ए-क़यामत भी एक ख़ाल-ए-सियाह
जो चेहरा ‘दाग़’-ए-सियह-रू ने आश्कार किया
DAGH DEHLVI
