bayan-e-hal mufassal nahin hua ab tak
jo mas.ala tha vahi hal nahin hua ab tak
nahin raha kabhi main is ki dastaras se duur
miri nazar se vo ojhal nahin hua ab tak
bichhaD ke tujh se ye lagta tha TuuT ja.ubnga
khuda ka shukr hai pagal nahin hua ab tak
jala.e rakkha hai main ne bhi ik charagh-e-umid
tumhara dar bhi muqaffal nahin hua ab tak
mujhe tarash raha hai ye kaun barson se
mira vajud mukammal nahin hua ab tak
daraz dast-e-tamanna nahin kiya main ne
karam tumhara musalsal nahin hua ab tak
baras kuchh aur miri jaan TuuT ke mujh par
ye khitta jism ka jal-thal nahin hua ab tak
na aaya baaz vo ‘nayab’ apni fitrat se
vafa ka shahr bhi jangal nahin hua ab tak
بیان حال مفصل نہیں ہوا اب تک
جو مسئلہ تھا وہی حل نہیں ہوا اب تک
نہیں رہا کبھی میں اس کی دسترس سے دور
مری نظر سے وہ اوجھل نہیں ہوا اب تک
بچھڑ کے تجھ سے یہ لگتا تھا ٹوٹ جاؤں گا
خدا کا شکر ہے پاگل نہیں ہوا اب تک
جلائے رکھا ہے میں نے بھی اک چراغ امید
تمہارا در بھی مقفل نہیں ہوا اب تک
مجھے تراش رہا ہے یہ کون برسوں سے
مرا وجود مکمل نہیں ہوا اب تک
دراز دست تمنا نہیں کیا میں نے
کرم تمہارا مسلسل نہیں ہوا اب تک
برس کچھ اور مری جان ٹوٹ کے مجھ پر
یہ خطہ جسم کا جل تھل نہیں ہوا اب تک
نہ آیا باز وہ نایابؔ اپنی فطرت سے
وفا کا شہر بھی جنگل نہیں ہوا اب تک
बयान-ए-हाल मुफ़स्सल नहीं हुआ अब तक
जो मसअला था वही हल नहीं हुआ अब तक
नहीं रहा कभी मैं इस की दस्तरस से दूर
मिरी नज़र से वो ओझल नहीं हुआ अब तक
बिछड़ के तुझ से ये लगता था टूट जाऊँगा
ख़ुदा का शुक्र है पागल नहीं हुआ अब तक
जलाए रक्खा है मैं ने भी इक चराग़-ए-उमीद
तुम्हारा दर भी मुक़फ़्फ़ल नहीं हुआ अब तक
मुझे तराश रहा है ये कौन बरसों से
मिरा वजूद मुकम्मल नहीं हुआ अब तक
दराज़ दस्त-ए-तमन्ना नहीं किया मैं ने
करम तुम्हारा मुसलसल नहीं हुआ अब तक
बरस कुछ और मिरी जान टूट के मुझ पर
ये ख़ित्ता जिस्म का जल-थल नहीं हुआ अब तक
न आया बाज़ वो ‘नायाब’ अपनी फ़ितरत से
वफ़ा का शहर भी जंगल नहीं हुआ अब तक
JAHANGEER NAYAB
