jurm-e-ummid ki saza hi de
mere haq men bhi kuchh suna hi de
ishq men ham nahin ziyada talab
jo tira naz-e-kam-nigahi de
tu ne taron se shab ki maang bhari
mujh ko ik ashk-e-sub.h-gahi de
tu ne banjar zamin ko phuul diye
mujh ko ik zakhm-e-dil-kusha hi de
bastiyon ko diye hain tu ne charagh
dasht-e-dil ko bhi koi raahi de
umr bhar ki nava-gari ka sila
ai khuda koi ham-nava hi de
zard-ru hain varaq khayalon ke
ai shab-e-hijr kuchh syahi de
gar majal-e-sukhan nahin ‘nasir’
lab-e-khamosh se gavahi de
جرم امید کی سزا ہی دے
میرے حق میں بھی کچھ سنا ہی دے
عشق میں ہم نہیں زیادہ طلب
جو ترا ناز کم نگاہی دے
تو نے تاروں سے شب کی مانگ بھری
مجھ کو اک اشک صبح گاہی دے
تو نے بنجر زمیں کو پھول دیے
مجھ کو اک زخم دل کشا ہی دے
بستیوں کو دیے ہیں تو نے چراغ
دشت دل کو بھی کوئی راہی دے
عمر بھر کی نوا گری کا صلہ
اے خدا کوئی ہم نوا ہی دے
زرد رو ہیں ورق خیالوں کے
اے شب ہجر کچھ سیاہی دے
گر مجال سخن نہیں ناصرؔ
لب خاموش سے گواہی دے
जुर्म-ए-उम्मीद की सज़ा ही दे
मेरे हक़ में भी कुछ सुना ही दे
इश्क़ में हम नहीं ज़ियादा तलब
जो तिरा नाज़-ए-कम-निगाही दे
तू ने तारों से शब की माँग भरी
मुझ को इक अश्क-ए-सुब्ह-गाही दे
तू ने बंजर ज़मीं को फूल दिए
मुझ को इक ज़ख़्म-ए-दिल-कुशा ही दे
बस्तियों को दिए हैं तू ने चराग़
दश्त-ए-दिल को भी कोई राही दे
उम्र भर की नवा-गरी का सिला
ऐ ख़ुदा कोई हम-नवा ही दे
ज़र्द-रू हैं वरक़ ख़यालों के
ऐ शब-ए-हिज्र कुछ स्याही दे
गर मजाल-ए-सुख़न नहीं ‘नासिर’
लब-ए-ख़ामोश से गवाही दे
NASIR KAZMI
